Ndërtimi shumëpritur i autostradës "Deti i Zi", që do të lidhë Burgasin dhe Varnën, pritet të fillojë në fund të vitit 2026 ose më së voni në fillim të 2027. Për këtë ka raportuar sot kryetari i agjencisë, Jordan Valchev në konferencën me titull "Lidhshmëria Ndërkombëtare - çelësi i rritjes së qëndrueshme të turizmit bullgar". Ngjarja u organizua nga Këshilli Kombëtar i Turizmit me partneritet institucional nga Ministria e Turizmit. Edhe pse sot askush nuk do të ofronte një garanci për datën e saktë të vënies në funksionim, lajmet për projektet janë pozitive. Kjo është veçanërisht e dukshme në dritën e faktit se planifikimi i "Detit të Zi" filloi që në vitin 1971. Në atë kohë, plani i unazës së autostradës do të përfshinte pesë autostrada. Sipas Valchevit, Agjencia e Rrugëve planifikon të shpallë një tender për zgjerimin e një seksioni të rrugës me katër korsi midis Burgas dhe Malko Tërnovës. Po shqyrtohen edhe mundësitë e dyfishimit të rrugës midis Varnës dhe Dobriçit.
Në konferencë ishte i pranishëm edhe kryetari i Dhomës Bullgare të Tregtisë së Industrisë, Zhivko Nedev, i cili tha se autostrada ndërtohet kryesisht me qëllim trafikun turistik, dhe së dyti për transport, ndërsa gjatë viteve të fundit është bërë edhe një çështje ekologjike, pasi rrugët e planifikuara kalojnë nëpër zona të mbrojtura. "Janë paraqitur disa alternativa, por vetëm një i plotëson kërkesat ekologjike përafërsisht. Janë disa zona të mbrojtura midis Burgasit dhe Varnës dhe autostrada duhet ose të shmangë këto zona, që në atë rast nuk do të shërbej për turizmin, por më shumë për rrugë brenda vendit, ose të kalojë nëpër to duke respektuar masa të caktuara". Ai shtoi se autostrada "Deti i Zi" është e një rëndësie të madhe për turizmin, pasi turizmi detar gjeneron rreth 70% të të ardhurave të gjitha sektorëve. Sipas të dhënave të Eurostatit për vitin e kaluar, rreth 39% e qytetarëve të Bashkimit Evropian që udhëtuan në një vend tjetër preferuan transportin ajror për të paktën një natë, ndërsa rreth 58% përdorën transportin rrugor dhe vetëm rreth 3% zgjodhën transportin ujor. Nga këto të dhëna është e qartë që transporti tokësor paracakalon të tjerët. Pavarësisht se këto fakte dihen prej kohësh, dhe megjithëse rruga - edhe pse e ngarkuar me sfida - është relativisht e shkurtër krahasuar me autostradat e tjera në vend, ndërtimi i saj ende vonohet prej dekadash.
